Bijlage P.
18
len, dat men tot elcker weken voer die broederen
ende susteren ende oec voir die doeden des heiligen
vaders Sunte Anthonys twee missen doen sail, als ene
voir die levendige broedere ende susteren ende ene
voer die doeden.
Voert soe sullen sie alle Sonnendaege in den iaere
een spyndinghe 1) doen rechten huesarmen nae ver-
moegen der renthen, die sie nu ter tiit hebben ende
naemaels krygen moegen ende die aelmyssen, die men
van weghen der bruederschap voirs. gevende werdt, sal
men gheven rechten huesarmen, daer den verwaerres der
broederscap voirs. nae oerre consciencien sail duncken,
dat die aelmisse best aen bestaedt is ende des meest
noet is, nyet aan te syen maechschap 2), noch zwae-
gerscap, noch dergelyken.
Voert soe moegen in die voirs. broederschap ont-
fanghen werden een man ende een wiiff myt eenen
ponde iaerliix off myt soevoel gheldes, daer men een
pont mede kopen mach.
Doch soe en sal men in deser broederschap nyement
ontfangen, tensy myt wille ende consent der ghemeynre
broederen off den meesten deell van hem, sonder argelist.
Voert soe sal men van der broederschap wegen
holden een pellen ende vier kersen, daer men die
broedere ende susteren mede begaen 3) sail.
Voert, wanneer ennich van den broederen off zusteren
afflivich wurdt 4), die sail gheven eens een pondt tot
behoeff der broederschap.
Voert, wanneer men ennygen van den broederen
1) Uitdeeling. 2) Bloedverwantschap. 3j Begraven.
4) Overlijdt.
Bijlage P.
19
off zusteren begaen sail, soe sullen die broedere ende
zusteren van der voirs. broederschap gemeynlick te
kercken komen ende offeren daeraver by eenre penen
van eenen olden butken 1), indien dat sy 't weten off
dat hem dat te kennen gedaan wurdt, sonder argelist.
Ende opdat alle punten, die deser broederschap nut
ende noet siin to bet verwaert werden, soe sullen die
broedere eens des jaers tusschen mydwynter 2) ende
vastelaevent ghemeynlick by malckanderen kommen
umme myt malckanderen te verkallen 31, wes der broe
derschap nut ende noet is. Ende alsdan sullen sie daer-
toe kiesen nu in den yersten iaer vier van den broederen,
die daar bequeemste toe siin ende nutste, die die renthen
maenen ende boeren sullen ende voert verwaeren sul
len, des der broederschap toebehoort. Ende nae desen
yersten iaer, soe sullen twee van den broederen, die daer-
toe gesat siin, affgaen ende soe sullen die broeders twee
ander broeder daer weder toesetten, alsoe dat alle iaer
twee, die oldesten van den vier broederen, die dat be-
vele van der broederschap hebben, afgaen sullen, ende
soe sullen die broeders dan twee broeders weder in
die stede kyesen ende die twee oeltsten van den vieren,
die sullen die renthen upboeren ende weder utgeven
ende daer alle iaeren rekenschap ende bewyss van doen.
Ende wye van den broederen daertoe gekaeren wurdt,
die sail dat doen sonder ennyge voerweygeringhe, be-
heltlick doch off ymant van onsen medderaitsgesellen
naemaels in dese broederschap gynghe, die sail daervan
onbelast 4) wesen. Medde soe is te verstaen, dat men nu
1) Benaming van een kleine munt. 2) 25 December.
3) Bespreken. 4) Ontheven.