Bijlage P.
22
aengecoft ofte aengeworven weer, onss ende onsen
nakomelingen tot onser stat behoeff vervallen wesen.
Ende weert sake, dat in toekomenden tyden ennich
gebreck gevyell in desen punten voirscr., alsoe dat dit
huys nyet regiert noch bewaert en worde na insettinge
ende ordinanciën in desen brieve begrepen, soe soelen
wy ende onse nakomelinge mit truwen ende gantzen
vlyte een opsien daerop hebben, alsoe dattet ten ewigen
daghen een gasthuys blyve na der insettingen voirs.
ende anders nergent toe geordiniert noch verandersaet
en werde, mer ten ewigen daghen onder den kirck-
meisteren in der tiit stae.ide bly/e in manieren als
voirs. steet.
Voert soe siin voer ons gekomen in gerichte ende
in scependom JOHAN KREYNG, onse lieve mederaets-
geselle, by hem selven ende NYESE, siin echte wiiff, mit
hem als mit oeren rechten momber 1) ordelic daertoe
verkaren, ende bekandcn voer hem ende voer oeren
erven, dat sy puerlic in die ere Oaeds ende in behoeff
des huys ende der armen voirs. gegeven hebben ende
geven sodane tweelff olde schilde jaerlix erfliker renten,
als JOHAN ende NYESE voirs. jaerlix hadden uyt den
alingen 2) erve ende guede geheiten die Luyssbossche,
gelegen in Veluwen in den kirsspell van Voerst, na
inhalde der brieve, daerop sprekende, welke brieve
JOHAN ende NYESE voers. mit oeren vryen wille
terstondt mede averleverden ENGELBERT KREYNG
voirs. in behoeff des huys ende der armen voirs.
Mede soe gelaveden JOHAN KREYNG ende NYESE
1) Voogd.
2) Geheel.
Bijlage P.
23
voirs. voer hem ende voer oeren erven, weert sake
dat ENGELBERT voirs. off die verwaerres in der tiit
des huys ende der armen voirs. namaels ennige meerre
vestenisse off vertichnisse begheerden ofte hebben
wolden van den tweelff olden schilden jaerlix erfliker
renten voirs., dat sy hem die altiit gheerne doen soelen
in der bester formen, wanneer die verwaerres in der
tiit des huys ende der armen voirs. des van hem
gesynnen ofte begeren, mit vurwarden, dat die ver
waerres in der tiit des huys ende der armen voirs.
voer dese twelff olde schilde jaerlix voirs. spynden 1)
soelen erfflich ende ewelich voer ziele JOHANS ende
NYESEN voirs. ende oerre oldere alle jaer des Wonss-
daigs na den Sonnendach lnvocavit in der vasten off
als die verwaerres des huys die spyndinge dan
ierst bybrengen ende gedoen konnen, drie molder
roggen ende een tonne herings den gemeynen armen
ende huyssarmen, daer den verwaerres in der tiit sal
duncken dat des meest noet is ende best aen bestaedt is.
Voert soe sail men alle jaer ten ewigen dagen in
desen liuse beghaen 2) JOHAN KREYNG ende NYESE
voirs. opten dach, als se gestorven siin off als men
die beghengenisse bequemelicste holden mach, ende
soe sail men tot elcker beghengenisse den armen, die
in den huse siin, geven gebraden ende drie quaerten
wiins. Ende off der armer soevoele weer, dat hoerre
twe gheen pynte wiins geboeren en muchte, soe sail
men den armen dat verbeteren. Ende als die maeltiit
1) Uitdeelen.
2) Iemands uitvaart plechtig herdenken.