Bijlage P.
18
fangen puerlic om Qaids wille ende nyet omme enniger
gaven offte gonsten will.
Weert oeck sake, dat in den voirg. huse ennige
stede ledich 1) worde ende dan hoerre twe off meer
om die stede beden, soe sail men die stede geven den
armsten van hem allen ende die des meest behoefft,
sonder alle argelist; want dit buys om der armen ende
ellendiger wille ende die hem selven nyet behelpen,
besorgen noch bewaren en konnen, gesticht is.
Ende ENGELBERT ende JUTTE voirs. soelen die
armen in den voirg. huse ontfangen alsoe lange als
sy leven, by rade ende guetduncken der kirckmeistere
voirs., ende na dode ENGELBERTS ende JUTTEN voirs.
soelen onse kirckmeistere in der tiit dat doen by rade
ende guetduncken der joncfrouwen offte weduwen,
die die husinge ende armen te bewaren hebben.
Ende in desen gasthuse en sail gheen getall wesen,
woe voele armer mensschen daerin woenen soelen,
dan allene daerna, dat die verwaerres des buys
bekennen, dat sy husen ende raden 2) moeghen,
soelen sy daerin ontfangen; ende dieghene, die alsoe
in den huse ontfanghen werden, soelen gebruycken
huysswestinghe, bedden ende voert anders vordels,
des in der weren is ende tot der husinge hoert off
namaels komen mach.
Weert oeck sake, dat yemant aldt off kranck weer
off anders gebreclic weer, alsoe dat hy hem niet be
helpen en konde, die in desen huse gheerne ontfangen
weer ende gelt off guet, des weer luttell off vele, bedde
1) Eene plaats vacant.
2) Van huisraad voorzien.
Bijlage P.
19
te verteren, die sail datselve, dat hy heefft, te voeren
avergeven den verwaerres in behoeff des buys; want
dieghene, die men in desen huse ontfangen sail, soelen
arme wesen, want dit huys op die armoede ende om
der rechter armer ende ellendiger will gesticht is,
doch mit sulken onderscheide, dat die verwaerres des
buys denghenen, die hem siin guet alsoe tot des
buys behoeff avergegeven hedde, daervan besorgen
soelen des hem noet is tot siinre noetdürffte. Hedde
die mensche oeck soevele niet, daer hy aff leven
muchte, soe sal hy der aelmissen mede genieten.
Den alrearmsten, lamsten ende gebreclicsten sail ment
lieffste geven, want die na stichtinge ende insettinge
des huys dat meeste recht daartoe hebben.
Voert soelen dieghene, die in den huse syn off
namaels daerin ontfangen werden, te kircken ghaen,
Gade van hemelrick dienen ende die gebade Gaeds
holden na allen oeren vermoegen ende soelen bidden
voer alle gelovighe zielen ende sunderlinge voer die
ghene, die dit huys gesticht hebben ende oer guet
ende aelmisse daertoe gegeven hebben ende noch
namaels gevende werden, ende voert voer alle dieghene,
die den huse ende den armen behulplich ende vur-
derlich siin mit rade off mit daden.
Ende die armen voirs. soelen des huys ende hoerre
niedehuysgenoten beste doen, waer sy konnen ende
moeghen, ende den huse gheen guet affhendich maken
noch vervreemden.
Voerts soelen dieghene, die nu ter tiit in desen
huse ontfangen siin ende namaels daerinne ontfangen
werden, den verwaerres des huys gehoersam ende